DAVAO CITY – Laing critically endangered juvenile Philippine eagle ang namatikdan sa kalasangan nga bahin sa Mount Apo sayo ning kasamtangan nga bulan.
Kini ang gibutyag sa Philippine Eagle Foundation (PEF), usa ka non-government organization nga nagprotekta sa mga agila sa nasud.
Gikanayong nagpahulay sumala pa ang nahisgutan nga agila duol sa bulkan.
Nasayran nga nadiskobrehan ang nahisgutan nga agila sa forest guards hinungdan nga miadto gilayon sa lugar ang biologists aron nga i-verify ang nahisgutan nga impormasyon.
Kahinumduman nga kaniadtong Pebrero sa milabay nga tuig, usa sab ka bag-ong salag sa agila ang nadiskobrehan sa bukiron nga bahin sa Bukidnon.
Apan human ang duruha ka semana nga pagpanubay, nakumpirma nga adunay 10 ngadto na 11 months nga eaglet kauban ang iyang inahan.
Gikanayong ang agila nga pinakadakong langgam sa tibuok kalibutan ang gikonsidera karon isip endangered species sukad 1965 hangtud nga giila na kini isip “critically endangered” sa International Union for the Conservation of Nature.
Gikanayong ang Mindanao ang gikonsidera nga pinakamaayong pinuy-anan alang sa mga agila kini tungod ang isla dili sagad nga maapektohan sa kalamidad sama sa bagyo nga dakong tabang sa mga langgam aron kini maka-survive.
