DAVAO CITY – Nanawagan karon si Konsehal Mary Joselle Villafuerte, head sa Committee on Health sa City Council ngadto sa mga dabawenyo nga kanunay nga mag-igmat sa novel coronavirus nga gikan sa Wuhan, China.
Sumala pa kang Konsehal Villafuerte nga sa kasamtangan, padayon nga nakamonitor ang Department of Health (DOH) 11 batok sa nahisgutan samtang ang ahensiya sa Bureau of Quarantine mihimo na sab og mga lakang aron lamang masiguro nga dili makasulod sa siyudad ang nahisgutan nga virus.
Una na sab nga nasayran nga pipila sumala pa sa mga sintomas sa nahisgutan nga balatian ang gilangkuban sa kalintura, ubo, sip-on, malisdan nga makaginhawa ug daghanan pa.
Angayan sumala pa nga mopailalom sa isolation sa higayon nga gikan sa nasod nga apektado ug adunay mabatian nga sintomas sa corona virus ang usa ka indibidwal.
Sa kasamtangan, wala sumala pay natala ang ahensiya nga susamang kaso dinhi sa Davao region.
