DAVAO CITY- Nanawagan karon ang mga biktima sa nahitabong pag-ulbo sa kalayo sa Bankerohan og tabang nga mga materyales aron nga subling matukod ang anaa sa 140 ka mga balay nga naugdaw atol sa insidente.
Kasamtangang nagsaka pa gihapon karon ang mga biktima sa ilang mga paryente samtang ang pipila ang nagpabilin pa gihapon sa gym sa Barangay 5-A Bankerohan ning dakbayan sa Davao.
Nagdasok ang kahimtang karon sa mga pamilyang nabiktima sa maong sunog nga nahitabo niadtong Enero 15.
Apan luyo paman niini, pabilin gihapon ang pagka-positibo sa mga residente ug mapasalamaton sila gumikan sa mga relief goods ug uban pang mga donasyon gikan sa mga tawong adunay malumong kasing-kasing.
Gawas sa mga sinina ug mga relief goods, gi-angkon sa mga biktima nga hingpit gayud ang ilang panginahanglanon og mga materyales aron nga subling matuko ang ilang mga panimalay gumikan lisod matud pa ang kahimtang kung walay tarong nga katulogan.
