DAVAO CITY – Nanawagan si Davao City Mayor Inday Sara Duterte ngadto sa publiko nga motuman sa traffic advisory ug mga polisiya atol sa undas.
Gitambagan sab niini ang katawhan nga mas maayong sayo nga mobisita sa mga sementeryo aron malikayan nga masinatian ang paghuot sa dagan sa trapiko atol mismo sa kalag-kalag.
Una na sab nga gimandoan ni Police Regional Office 11 Director Brig Gen. Filmore Escobal ang kapulisan nga ipatuman ang “zero incident” atol sa undas.
Gikanayon sab ni Mayor Inday nga tungod kay semestral break, mas maayo nga moadto na lamang ug sayo sa mga sam-ang ayha ang weekend.
Samtang laoman sumala pa nga mobisita ang Mayor sa lubnganan sa ilang mga kabanay nga mipanaw na karong adlawa.
Gitataw sab ni Escobal nga magpakatag sila ug dugang nga mga police personnel aron nga mosuporta sa security deployment sa dakbayan partikular na sa mga sementeryo.
Angayan sumala pa nga ang mga head of police offices maningkamot alang sa pagpatuman sa security measures.
Gikanayon sab sa opisyal nga ilang ipatuman ang “no backpack policy,” nga sukwahi sa naunang pahayag ni Public Safety and Security Command Center (PSSCC) head Angel Sumagaysay nga tugtan sumala pa ang mga backpacks sulod sa mga sementeryo.
