Nanghinaut ang ahensiya sa Department of Health (DOH) 11 nga masabtan sa publiko ang kamahinungdanon sa pag-donar ug organ sa mga nanginahanglan.
Kahinumduman nga mikabat sa 40 ka mga medical practitioners sa rehiyon ang gipailalom sa training aron nga mapasabot ngadto sa mga pamilya nga adunay brain dead nga mga pasyente nga mamahimong i-donar ang organ niini ngadto sa uban nga aduna pay katakos nga malugwayan ang kinabuhi.
Nagtuo ang ahensiya nga kung mapasabot lang pag-ayo sa mga pasyente ug kabanay niini ang kamahinungdanon sa organ donation, mas makasabot sumala pa ang mga nahisgutan nga dakong tabang kini sa uban nga nanginahanglan.
Samtang gibutyag sab ni Dr. Anabelle Yumang sa DOH-11, nga plano nila nga mohimo ug mga lakang aron lamang masuportahan ang maong adbokasiya ug kumbinsihon ang katawhan bisan tuod nga dili kini dali nga mapasabot ngadto sa uban.
