DAVAO CITY – Hingpit na nga nakapanumpa ang 400 ka mga PNP recruits ug misaad nga himuon ang ilang mamahimong tahas ilabi na ang paghatag ug serbisyo sa katawhan.
Kahinumduman nga ang mga bag-ong police officers gilangkuban sa 332 ka mga lalaki ug 68 ka mga babaye nga kabahin sa the PRO XI regular recruitment program quota sa CY 2018 alang sa PNP Mobile Forces.
Sa iyang pahayag, gipahimangnoan ni Morales ang mga recruit nga himuon ang ilang trabaho ilabi na nga mosuot na sila ug PNP uniform ug ilang girepresenta ang gobyerno.
Naglaom sab ang opisyal nga motamud ang mga nahisgutan sa istrikto nga sumbanan ug regulasyon.
Nagpahimangno sab ang opisyal nga dili magpanuko ang organisasyon nga moduso ug kasong kriminal ingon man administrative cases batok sa mga pulis nga nakahimo ug krimen.
Gihangyo sab ni Morales ang kabanay sa mga bag-ong recruit nga pahimangnoan ang mga nahisgutan sa ilang responsibilidad sa nasod ug sa mga tawo.
Gikanayong ang mga bag-ong appointed police officers ang gi-turn over sa Regional Training Center XI ug gidawat ni Col. Arnie Cuaresma, regional training director.
Gikanayong ang buhatan mo-andam ug recruits physically ingon man mentally aron nga mamahimong epektibo nga police officers.
