DAVAO CITY – Mibati na usab ug kabalaka ang Diocese of Tagum sa sunod-sunod nga mga pagpamatay sa ilang syudad nga hinimuan sa wala pa mailhing mga suspetsado.
Kagahapong adlawa, gisugdan na sa mga simbahan sa Tagum City ang pag-ampo dungan sa santos nga misa aron mahunong na ang mga pagpamatay sa ilang syudad ug malikay ang katawhan gikan sa bisan unsa man nga kasamok.
Naglaum ang simbahan nga maangkon sa mga biktima ang hustisya ug mabilanggo ang mga mamumuno sa mga krimen sa labing dali nga panahon.
Samtang, Dili tiaw nga kalooy usab ang gibati sa simbahang katoliko labot sa gidangatan ni Judy Lou Palas nga gipatay sulod mismo sa balay sa iyang iyaan.
Sa pikas bahin, gipusil patay usab karong udto lamang ang usaka lalaki samtang nagsakay sa iyang motor sa Mankilam, Tagum City.
Naila ang biktima subay sa iyang drivers licence nga si Terencio Cañizares.
Padayon pa usab ang imbestigayson sa Tagum City Police kung unsa ang motibo sa krimen ug kung kinsa ang mga suspek.
