DVAAO CITY – Gibarugan sa ahensiya sa Department of Interior and Local Government (DILG) Davao region nga ginadili ang pagdawat ug regalo sa bisan kinsa man nga nagtrabaho sa gobyerno ilabi na sa kapulisan.
Sumala pa kang Alex Roldan, Regional Director sa DILG 11 ang paghatag ug regalo sa usa ka mamumuo sa gobyerno usa ka matang sa korapsiyon ilabi na nga kadaghanan niini adunay pangayuon nga pabor bugti sa gipahigayon nga transaksiyon.
Isip mga empleyado sa gobyerno, angayan lamang sumala pa nga mohatag ug tinuod nga serbisyo ngadto sa publiko ug walay pangayon nga pabor.
Gani nanawagan si Roldan sa katawhan nga kung adunay transaksiyon sa usa ka ahensiya sa kagamhanan mas maayo sumala pa nga kuhaon na lamang niini ang tanan nga mga rekisitos nga gipangayo ug dili mohatag ug regalo bugti sa usa ka pabor.
Gitataw sab ni Roldan nga mas maayo sumala pa nga subayon sa publiko kung unsa kadugay asikasuhon ang ilang transaksiyon sa mga buhatan sa gobyerno ug bayaran lamang ang kantidad niini.
