Mayor Sara gipanghimakak nga nalambigit sa transaksiyon sa EMB-DENR

DAVAO CITY – Hugtanong gipanghimakak  ni Davao City City Mayor Sara Duterte-Carpio nga nalambigit siya sa bisan unsa man nga transaksiyon sa Environmental Management Bureau (EMB) sa Department of Environment and Natural Resources (DENR).

Tipik lamang kini human nga nakadawat  og impormasyon ang iyang buhatan nga si EMB-Davao officer-in-charge (OIC) Wilson Trajeco wala misunod sa gitugot nga sumbanan ug regulasyon base sa paggamit sa iyang pangalan sa usa ka transaksiyon.

Gikanayon ni Mayor Inday nga wala siya manghilabot ug di gyud manghilabot sa trabaho sa EMB.

Hinuon wala gibutyag sa Mayor ang mga higayon nga gigamit ni Trajeco ang iyang ngalan sa transaksiyon.