DAVAO CITY – Mipakita ug suporta si Davao City Vice Mayor Baste Duterte sa sugyot nga ipatuman ang “No Jacket Policy” ug “No earphones policy” dinhi sa dakbayan sa Davao aron nga masiguro ang kaluwasan sa publiko batok sa mga dautan nga plano sama na lamang sa mga terorista.
Sumala sa Bise Mayor nga dakong tabang sab ang maong lakang ilabi na nga nagsingabot na ang kasaulogan sa Kadayawan sa Davao sa bulan sa Agosto diin laoman ang pagdagsa sa mga bisita ug turista dinhi sa siyudad.
Una ng gibutyag ni Baste nga makatabang ang No Jacket policy aron masiguro nga walay gisuksok nga bomba ang usa ka tawo nga mamahimong mohatud ug dakong kadaut sa higayon nga mubusikad.
Samtang sa No earphone policy, makatabang sumala pa kini aron nga makalikay sa disgrasya ang publiko ilabi na kadtong motabok sa mga dalan.
Mamahimo sumala pa nga tangtangon una ang earphone panahon nga motabok ug ibalik lamang moabot na sa pikas dalan aron masiguro ang kaluwasan.
