DAVAO CITY – Giila karon sa Regional Maritime Unit (RMU) 11 nga dakong tabang ang gihatag kanila nga mga bag-ong state of the art water craft ug mga armas aron nga mas mapahugtan pa nila ang pagbantay sa Davao Gulf batok dautan nga mga grupo nga planong mosulod sa dakbayan agi sa mga kadagatan.
Gumikan kay gamiton ang maong mahimanan alang sa pagbatok sa mga terorista, butangan sumala pa kini ug duruha ka mga 7.65 millimeter light machine guns sa isig ka kilid ug 50 caliber machine gun sa atubangan nga bahin.
Sumala pa kang Pol. Col. Andrew Cayad, head RMU-11, nga pinaagi sa mga ekipo nga gihatag sa ilang buhatan, mas dali na lamang sa ilang mga personahe ang pagpahigayon ug patrolya sa mga kadagatanan nga sakop sa rehiyon partikular na sa Mabini, Maco ug pantukan sa Davao de Oro.
Makatabang sab sumala pa ang mga water crafts aron nga mapabilin ang kahusay ug kalinaw sa mga kadagatan sa Davao region.
