Nasuta ang bagyong naay internasyonal nga ngalan nga “Koguma” sa gilay-on nga 2,735 ka kilometro sa sidlakang amihanan-sidlakan sa kinatumyang amihanang bahin sa Luzon, gawas sa Philippine Area of Responsibility (PAR).
Samtang, nasuta usab ang usa ka tropical depression sa gilay-on nga 3,035 ka kilometro sa sidlakan sa habagatan-sidlakang bahin sa Luzon, sumala sa alas-8:00 sa buntag nga pahibalo sa ahensiya sa panahon karong Domingo, Oktubre 11, 2026.
Adunay kusog sa hangin nga moabot sa 175 ka kilometros matag oras ang bagyong Koguma, samtang moabot sa 215 ka kilometros matag oras ang pagbugsong niini.
Naglihok kini paamihanan-kasadpan sa gikusgon nga 20 ka kilometros matag oras.
Samtang, ang tropical depression adunay kusog sa hangin nga moabot sa 45 ka kilometros matag oras ug pagbugsong moabot sa 55 ka kilometros matag oras.
Naglihok kini paamihanan-sidlakan sa gikusgon nga 20 ka kilometros matag oras.
| via Bombo Ray Ann Martinez
