DAVAO CITY – Pabor si Liga ng mga Barangay (LNB) president Edgar Ibuyan Sr. nga kinahanglan una nga ilangan ang ipahigayon nga Barangay and Sangguniang Kabataan (SK) sa 2020 ug isibog kini ngadto sa tuig 2022.
Gani daghanang mga barangay officials sumala pa ang nagpadayag ug susama nga sentimeyento.
Sumala sa opisyal angayan lamang nga ilangan una ang Barangay ug SK election gumikan kay daghan pa ug angayan nga asikasuhon ang mga barangay kapitan ilabi na ang pagpatuman ug mga balaod nga makaayo sa ilang komunidad.
Gitataw sab ni Ibuyan, barangay captain sa 5-A sa Bankerohan, nga ang nahisgutan nga sugyot wala sumala pa nagpasabot sa “longetivity” sa ilang gahim inaya maayo angayan sumala pa nga hatagan ang matag barangay officials ug tulo ka tuig sa ilang termino.
Sa higayon nga ipatuman ang pagsibog sa SK ug Barangay election, mamahimong madungagan ug duruha ka tuig ang kasamtangan nga termino sa mga Barangay officials.
Kahinumduman nga una ng nahunong ang barangay elections ug lima ka tuig sukad nga gihimo kini kaniadtong tuig 2013.
Una ng giratipikahan sa kongreso ang pagsuspende sa Barangay election nga orihinal nga naka-schedule kaniadtong Oktubre 2016 ug October 2017, hangtud nga nahimo kining May 2018.
