DAVAO CITY – Nabalaka si Pangulong Rodrigo Duterte nga mawani ug dili na gayud mauli ngadto sa mga membro sa KAPA ang ilang dagkung kantidad sa kwarta nga gipiyal o kaha gi-donate ngadto sa maong grupo.
Pursegido ang kagamhanan nga hingpit na nga paserhan ang KAPA aron nga wala na’y mahimo pa nga biktima.
Hugtanon ang nahimong bahad ni Pangulong Duterte ngadto kang Pastor Joel Apolinario, nagpailang founder sa KAPA nga nagpa-abot na kaniya ang impierno gumikan sa pag-ilad niini sa singko milyones ka mga Filipino sa tibuok nasod.
Halos kapangagot si Pangulong Rodrigo Duterte sa iyang gibuhi-an nga bahad batok kang Apolinario nga giila niyang Pastor nga mangingilad.
Dili makahimo sa pagpyansa si Pastor Joel Apolinario ug ang iyang mga opesyal kung mangadakpan.
Kini mismo ang gitin-aw ni Pangulong Duterte uban sa pagkanayon nga ang KAPA maisip nga usa ka contuing crime gumikan kay hangtud karon dunay mga branches pa gihapon niini nga padayon sa ilang pagdawat ug kwarta.
