DAVAO CITY – Andam na ang ipahigayon nga thanksgiving activity sa Hugpong ng Pagbabago (HNP) karong adlawa diin laoman ang 10,000 ka mga indibidwal ang modagsa.
Ang nahisgutan nga aktibidad adunay titulong “Daghang Salamat, Davao City,” nga usa ka luncheon ug dinner activity nga himuon sa Rizal Park, San Pedro Street.
Usa sumala pa kini nga pamaagi sa pagpasalamat human nga ang mga kandidato sa HNP, usa ka regional party ni Davao City Mayor Sara Duterte-Carpio, ang nakakuha ug siyam gikan sa 12 ka mga lingkuranan sa senado atol sa 2019 midterm elections.
Tungod niini temporaryo nga pasirad-an sa mga sakyanan ang mga dalan nga duol sa venue sugod sa 12:01 a.m. karong adlawa, Friday (May 31) hangtud 6 a.m. sa Sabado (June 1).
Ang nahisgutan nga selebrasyon kabahin usab sa ika-41 nga adlaw’ng natawhan ni Davao City Mayo Inday Sara Duterte-Carpio.
Nagpasalamat ang Mayor sa mga dabawenyo sa “12-0 vote” sa HNP senators, diin labin una sumala pa kini sa kasaysayan sa dakbayan.
Wala sab gibutyag ni Mayor Inday kung makatambong ang mga partymates sa nahisgutan nga aktibidad.
