DAVAO CITY – Gipasabot ni Philippine Drug Enforcement Agency (PDEA) 11 Regional director Antonio Rivera ang mga sumbanan kung paunsa nila gideklara nga drug free ang duruha ka mga barangay sa ikatulong distrito ning siyudad.
Kahinumduman nga gilagdaan mismo sa PDEA 11 ug City Anti-Drug Abuse Council (CADAC) ang pagpamatuod nga drug free na ang Barangay Sirib ug Dacudao sa Calinan ning siyudad.
Sumala pa kang Rivera, matawag nga drug free ang Barangay kung walay bisan usa nga nadakpan nga nalambigit sa illegal nga droga.
Samtang matawag nga cleared ang usa ka Barangay sa illegal drugs kung aduna kini mga surrenderees ug migamit ang illegal nga droga apan hingpit na nga napugngan sa otoridad ug sa Barangay.
Hinuon ang Brgy. Dacudao ug Sirib ang anaa sa ikatulo nga phase sa monitoring apan kung adunay matala nga malambigit sa illegal nga droga, mamahimong bakwion sa PDEA ug CADAC ang deklarasyon.
