DAVAO CITY – Dili lamang gihapon mamahimong makaangkon bisan sa iyang temperoryong kagawasan ang kanhi secretary-general sa progresibong grupo nga Karapatan-Southern Mindanao.
Gikanayon ni Major Noel Villahermosa, commander sa Bunawan Police station nga kini gumikan kay aduna pay laing tulo ka mga mipatigbabaw nga warrant of arrest si Kelly Delgado nga gipagawas sa Regional Trial Court sa Bayugan, Agusan del sur.
Si Delgado nga sumala pa nagsilbing campaign manager sa usa ka politiko sa Davao del Norte ang nag-atubang og mga kasong multiple murder niadtong Aug. 15 ,2013, grave threat niadtong March 9, 2014, ug arson niadtong Aug. 15, 2013.
Human mapasaka ang mga kasong theft ug violation sa Comelec gun ban niadtong Lunes dali kining mibayad ug piyansa sa kantidad nga P40,000.
Kahinumduman nga gidakop si Delgado samtang gi-rekisa sa mga otoridad nga mihimo ug checkpoint sa Sitio Licanan, Brgy. Lasang niadtong milabay nga adlaw human makuha gikan sa iyang posisyon ang drug paraphernalia niadtong adlaw nga miyerkules gibalhin na si Delagdo sa Esperanza Municipal Police Station sa Agusan del Sur aron atubangon ang tulo ka mga pending nga kaso nga gipasaka kaniya sukad niadtong tuig 2013.
