-- ADVERTISEMENT --
DAVAO CITY – Gibanabana nga mokabat ngadto sa P880 mil ka pesos ang namugnang kadaut ang sunog nga miugdaw sa usa ka balay ug sa upat ka mga sakyanan sa Eleneta Hieghts, Barangay Catalunan Grande, ning dakbayan sa Davao.
Miulbo ang sunog sa phase I, diin gilamoy sa kalayo ang pinoy-anan sa pamilyang Laping ug ang mga sakyanan nga nakaparada sa gawas niini.
Gisaysay sa tagbalay nga si Paulo Laping nga labihan ka kalit ang panghitabo mao nga wala na nila maluwas ang ilang mga gamit.
Migawas sa imbestigasyon sa Bureau of Fire Protection nga possible nga ang nag-overheat nga ceiling fan ang hinongdan sa sunog gumikan kay wala maibot ang plug niini sa kwarto.
