DAVAO CITY – Hugtanon ang pahimangno sa Bureau of Fisheries and Aquatic Resources (BFAR) batok sa pagkuha ug pagka-on ug mga kinhason sa mga kabaybayonan sa rehiyon unse ug sa uban pang mga dapit nga positibo sa red tide toxin nga naka-apekto sa mga kinhason ug alamang, labi na ang gikan sa Balete Bay sa Mati City, Davao Oriental ug sa Santa Maria, Davao Occidental.
Una nang gipahayag sa BFAR nga nagdala ug makuyaw nga balati-an ang pagkaon ug kinhason nga kontaminado sa red tide labi na ngadto sa dunay hubak.
Bisan pa niini kampante ang mga vendors sa mga merkado sa dakbayan nga gikan sa mga luwas nga tinubdan ang ilang mga gipangbaligya nga mga kinhason ug alamang.
Masaligon ang mga vendors nga gikan sa Liasong, Samar ang ilang baligya nga mga kinhason.
