DAVAO CITY – Nanawagan ang Land Transportation Franchising Regulatory Board (LTFRB) 11 ngadto sa mga drivers nga kuhaon na ilang buhatan ang fuel cards o cash cards nga dakong tabang sa mga PUJ drivers ilabi na nga halos matag semana ang nasinatian nga pagsaka sa presyo sa gasolina.
Matud pa kang Atty. Teresita Yñiguez, director sa LTFRB 11, nga sa kapin 4,000 ka mga PUJ driver nga ilang target nga mahatagan ug cash cards, anaa pa lamang sa kapin 500 ang nakakuha niini hinungdan nga nanawagan ang opisyal ngadto sa nga operators nga makiglambigit sa ilang buhatan ilabi na kung adunay mga kakuli-an sa paggamit sa card.
Nasayran sab kang Atty. Yñiguez nga ang P5,000 nga subsidiya ang alang karong tuig 2018 samtang lain na sab ang igahin sa mosunod nga tuig.
