BFP makadawat ug bag-ong sakyanan gikan sa Japan

DAVAO CITY – Makadawat ug mga bag-o nga mga sakyanan ang Bureau of Fire Protection (BFP) Davao gikan sa Japan.

Nasayran gikan kang Fire Chief Inspector Alex Pamaypay, Operation Division Chief sa BFP Regional Office Eleven nga dese siete ka mga bag-o nga mga sakyanan ang madawat sa BFP isip donasyon gikan sa Japanese Government.

Pangunahan ni Pangulong Rodrigo Duterte ang pagdawat sa nahisgutan nga donasyon karong Marso 23.

Sumala kang Pamaypay nga dakong tabang ang nahisgutan nga donasyon gumikan kay nagkulang ang rehiyon onse sa mga donasyon alang sa fire truck ug ambulansya.

Dili usab kini solo sa Davao Region, gumikan kay duna sa’y laing rehiyon sa Mindanao nga recipient sab sa nahisgutan nga mga sakyanan.