DAVAO CITY – Molagda ang Overseas Workers Welfare Administration (OWWA) ug usa ka Memorandum of Agreement (MOA) tali sa Department of Social Welfare and Development (DSWD) ug Department of Justice (DOJ) aron nga batukan ang pagpangabuso sa mga kabataan nga mga anak sa Overseas Filipino Workers (OFWs) dinhi sa dakbayan sa Davao ug tibuok rehiyon.
Matud pa kang OWWA-11 regional director Eduardo Bellido nga gikatakdang lagfdaan ang MOA sa adlaw nga huwebes, Marso 30.
Nagtuo si Bellido nga pinaagi sa maong lakang, mas mapamabo pa ang ilang kampanya ingon man koordinasyon sa OWWA, DSWD ug DOJ aron nga mapanalipdan ang mga anak sa OFWs ug maprotektahan kini batok pagpangabuso ug exploitations.
Hinuon gi-angkon sa nahisgutan nga nakasinate sila ug kalisud sa pagmonitor sa status sa mga anak sa OFW ilabi na sa kaso sa pagpangabuso ug exploitation.
Gikanayong magsalig lamang karon ang OWWA-11 sa ipadala nga report gikan sa kabanay o gikan sa DSWD hinungdan nga kini sumala pa ang rason nganong dili magpagula ang ilang ahensiya ug statistics kalabot sa ihap sa mga anak sa OFW nga gi-abuso dinhi sa siyudad ug sa tibuok rehiyon.
Ang gikatakda nga seminar salmutan sa mga represesntante gikan sa tulo ka mga ahensiya ingon man sa mganon-government organizations dinhi sa dakbayan ug sa rehiyon.
