DAVAO CITY – Dunay limitasyon sa mga kalihukan sa Mount Apo, bisan pa kung abli na kini alang sa mga magpalabay sa Semana Santa.
Mismong ang Protected Area Management Board (PAMB) ang mi-anunsyo sa subling pag-abli sa Mount Apo karong Abril 12 sa mga trail padulong sa Mt. Apo Natural Park human sa halos usa ka tuig nga miulbo ang dakung sunog sab pipila ka bahin niini nga misangpot ngadto sa pagkasira niini gikan sa mga mountain climbers.
Si Joey Recimilla, chairman sa PAMB committee on eco-tourism namahayag nga ang PAMB members, ang pinakataas nga policy-making body sa Mt. Apo, mi-aproba sa hangyo sa nagkada-iya nga local government units (LGUs) niadtong March 23 atol sa PAMB-En banc meeting alang sa subli nga pag-abli sa Mt. Apo ngadto sa mga climbers ug uban pa nga mga kalihukan.
Kini pinaagi sa Resolution 01 series of 2017 nga mihisgot kalabot sa pagwagtang sa prohibition sa pagsaka sa Mount Apo.
Si Recimilla namahayag nga ang Camping Management Rules hugtanon gayud nga ipatuman.
Dugang pa niya nga ang Department of Environment and Natural Resources (DENR)-PAMB nakahukom sa pag-abli sa terrain alang sa dugang kahigayonan sa pamatigayon sa mga residents sa dapit ug sa pag- promote ecotourism.
Sa pagkakaron ang permit fee misaka ngadto sa P2,000 ug P2,500 alang sa standard ug peak season diin ang refresher course ilakip.
Ang Ang rate 50 porsiento nga mas taas tandi sa milabay nga panahon sa collections nga anaa sa P1,000 hangtud sa P1,500.
Gawas pa sa permit fees, ang hikers mobayad ug dugang exit fees bf P1,000 hangtud sa P1,500.
Ang Mt. Apo dunay daghanan nga mga entry points lakip na ang Davao City, Sta. Cruz, Digos City, Kidapawan City, Makilala, ug Magpet.
