DAVAO CITY – Gikatakdang na nga ipailalom sa pagkumpuni ang City hall lobby ug Commission on Audit office sa kantidad nga P7 million human nga susama nga nag-collapse ang salog sa milabay nga semana.
Kahinumduman nga gama lamang sa kahoy ang pipila ka istraktura sa City hall nga gimugna kaniadtong 1926.
Matud pa kang City Engineer’s Office head Engr. Joseph Dominic Felizarta kinahanglan nila nga girad-an ang lobby sa city hall alang sa unom ka bulan nga retrofitting.
Gipasabit sa opisyal nga ang underground sa gambalay ang napuno ug tubig nga hinungdan sa moisture sa salog. Gawas nga karaan na ang gambalay, tinubdan sab sumala pa sa pagkagabok sa pundasyon niini ang mga termites.
Sa kasamtangan, hinuon na matud pa nga semento ang nahisgutan nga area aron nga malikayan ang susama nga insidente. Maggikan sumala pa ang P7 million budget sa pundo sa City Mayor’s Office.
Samtang nagpadayon ang konstruksiyon, mamahimo sumala pa nga gamiton sa mga tawo ang pultahan nga nahimutang sa likod sa city hall nga magsilbing main entrance ug exit, samtang ang mga empleyado mamahimong mogamit sa pultahan sa kilid sa gambalay.
