Gikinahanglan og gibanabana-ang $71.4 bilyon o tugbang sa ₱4.48 trilyon nga pondo ang pagpahiuli ug pagbangon sa Gaza sulod sa sunod napulo ka tuig.
Sumala sa joint assessment sa United Nations, European Union ug World Bank, dako ang kadaot nga gipahinabo sa gubat, lakip ang kapin 371,000 ka mga balay nga naguba ug kapin 60% sa populasyon ang nawad-an og pinuy-anan.
Mokabat usab sa $26.3 bilyon o ₱1.65 trilyon ang gikinahanglan sulod lamang sa unang 18 ka bulan alang sa mga unang lakang sa reconstruction.
Dugang pa, kapin katunga sa mga ospital sa Gaza ang dili magamit, samtang grabe usab ang epekto sa mga serbisyo sa panglawas, edukasyon, tubig ug kuryente.
Lakip sa mga plano sa gitawag nga Board of Peace nga gitukod ni US President Donald Trump ang 66 ka programa, lakip ang humanitarian shelters, diesel generators ug pagtukod pag-usab sa mga ospital.
Matud sa mga US envoy nga sila Steve Witkoff ug Jared Kushner, ang maong plano pagadumalahan sa mga Palestino.
Samtang, una nang gipahibalo ni Trump ang iyang 20-point ceasefire plan alang sa Gaza, apan wala pa kini mapatuman.
Subay sa assessment, ang gubat nagmugna og dakong krisis ug pagkadelatar sa tawhanon ug sosyal nga kalamboan sa Gaza nga motugbang og 77 ka tuig.
