DAVAO CITY- Nagkatag sa dalan ang mga sinakong feeds human nga nahaybol ang usa ka wingvan kaganihang buntag.
Sa inisyal nga impormasyon, nahitabo kini pasado alas otso kaganihang buntag sa Brgy. Marilog Proper, ning dakbayan sa Davao.
Nasayran nga adunay karga nga gibana-banaan nga anaa sa 500 ka mga sako sa feeds nga nagkatag sa dalan ang usa ka truck.
Ang nasampit nga sakyanan ang gimaneho sa usa ka Jerez Gemar Magdadaro, 46-anyos, minyu ug residente sa Purok 4, Magsaysay,Malaybalay City,Bukidnon.
Sa gihimong imbistigasyon sa kapulisan, ang nasampit nga wing van nagbyahe kini sa Davao-Bukidnon nga dalan gikan sa Bukidnon ug padulong kini sa dakbayan sa Davao.
Apan pag-abot niini sa nahitabu-an nawad-an sumala pa ug brake ang gimaneho nga sakyanan nga miresulta sa pagsarasay niini ug nabanggaan pa ang mga tindahan nga anaa daplin sa karsada nga gipanag-ihahan nila Arnold P Dimas, Pedro Cumamao, ug Nemia D Eroy.
Tungod sa maong panghitabo natigayon ang dakong kadaot ngadto sa sakyanan nga miresulta sa pagkayabo sa mga karga nga sinakong feeds.
Samtang nakaangkon sab ug kadaot ngadto sa tulo ka mga kabalayan nga padayon karon nga ginasuta ang knatibuk-an danyos atol sa mang panghitabo.
Hinuon, walay natala nga kinabuhi sa mga tagbalay, ug sa bahin sa mga crew.
Samtang gumikan sa kakusog sa impact sa pagkahaybol sa nasampit nga truck, natanggal pa ang duha ka mga ligid sa pangunahan nga bahin sa truck.
Sumala pa sa mga nakasaksi sa maong panghitabo, nakalingkawas ang Drayber ug Helper human sila nakambak ayha kini napadulong sa mga tindahan.
Sa karon wala pa’y gipaguwa nga kinatibuk-an nga danyos tungo sa nahitabo.
