DAVAO CITY – Magsilbi sumala pa nga labing una sa dakbayan ang usa ka Davao-based medical supply company sa paghimo og locally manufacture nga face masks.
Gikanayong ang RycorTech Corporation nga aduna nay initial imports sa medical supplies gikan sa langyaw nga dapit sama sa China ug Malaysia aron nga makaangkon og manufacturing permit sa pagmugna og N88 o surgical face mask ingon man KN95.
Namatikdan sumala pa sa kompanya nga kinahanglan adunay igong face masks ang dakbayan ilabi na dihang nagsugod ang coronavirus disease (Covid-19) outbreak nga maoy hinungdan sa kakulangon og supply niini sa merkado sanglit gi-ban sab sa uban nga nasud ang pag-export niini aron adunay igong magamit ang ilang mga kababayan.
Gikanayong aduna nay miabot nga mga raw materials sa milabay nga semana ug gihulat na lamang nila karon ang mga makina.
Gitataw sab ni Sotelo nga gawas sa kakulangon og supply sa face masks, laraw sab nila nga mahunong ang binuhatan sa mga hoarders ug abusadong resellers sa medical supplies nga nagpahimulos sa health crisis.
