Nagpagawas ug grabeng pagbahad si US President Donald Trump sa Iran nga kung atakihon niini ang Estados, masinati-an sa nahisgutang nasud ang tibuok pwersa sa American military.
Gipanghimakak usab ni Trump nga adunay kalabutan ang US sa mga airstrikes sa Israel sa Iran.
Samtang gi-angkon usab sa US President nga mitabang sila sa Israel batok sa mga missile apan wala sila nanghilabot sa mga direktang pagpangataki sa Iran.
Samtang sa pikas nga bahin, gipahayag ni Iranian Foreign Minister Abbas Araghchi, adunay ebidensya sila nga nagpakita ang pagsuporta kuno sa Estados Unidos sa mga pagpangataki nga gihimo sa Israel.
Samtang nagpadayag usab ang Germany, France ug Britain sa kaandam nga makig-estorya sa Iran sa nuclear program niini, aron malikayan ang pagsamot sa sitwasyon sa Middle East.
