DAVAO CITY – Sikop sa gipahigayong operasyon sa Digos City Police ang tulo ka indibiduwal sa Crisologo Residence, Purok Kalubihan, Barangay Cogon, Digos City, Davao del Sur human nasakpang naghupot og iligal nga droga.
Giila ang mga suspek nga sila Joseph Gonzales, alyas “Junjun”, 25 anyos; usa ka alyas “Jemjem”, 38 anyos, ug ang gikonsiderang Top 10 Regional Target and High Value Individual nga si Jezcieriel Estrella alyas “Bula/Bubbles”, 27 anyos ang panuigon.
Silang tanan, nanimuyo sa nahisgutang dapit.
Napalit gikan sa mga suspek ang usa ka pakete sa gituohang shabu nga anaa sa .33 grams ang gimbug-aton ug anaa sa P4,950 ang kantidad.
Nakuha sab gikan kang alyas “Jemjem” ang usa ka .38 nga pistola.
Anaa na sa Provincial Forensic Unit ang mga nakuhang drug paraphernalias ug armas, samtang mipailalom na sab sa medical examination sa Davao del Sur Provincial Hospital ang mga suspek nga mag-atubang og mga kasong paglapas sa Republic Act 9165 kon Comprehensive Dangerous Drugs Act of 2002 ug illegal possession of firearms.
Via || LJ Florendo
