NSC, gikumpirma nga positibo sa cyanide ang duha sa mga yellow bottles gikan sa mananagat nga Chinese

Gikumpirma sa National Security Council (NSC) nga duha sa mga yellow bottles nga nasakmit sa Philippine Navy gikan sa mga Chinese sampans niaging tuig adunay sulod nga cyanide.

Ang mga sample gisusi sa National Bureau of Investigation pinaagi sa Forensic and Scientific Research Service, ug nakumpirma nga adunay cyanide nga usa ka lig-on ug paspas molihok nga hilo nga makamatay bisan gamay lamang ang anaa sa sulod niini.

Sumala kang NSC spokesperson Cornelio H. Valencia Jr., ang resulta sa laboratoryo nagpamatuod sa kapeligrohan ug ilegal nga kalihokan sa China sa West Philippine Sea, nga mahimong makadaot sa tawo ug sa marine ecosystem.