Nanawagan si Baguio City Mayor Benjamin Magalong nga ibutang sa ordinaryong kulungan si kanhing House Speaker Martin Romualdez kung ideklarar sa iyang mga doktor nga fit for detention na kini.
Matod ni Magalong, dili angay hatagan og espesyal nga detention facility o mga amenity si Romualdez ug kinahanglan pareho lamang ang iyang kahimtang sa kasagarang masinati sa ubang mga detenido.
Sa pagkakaron, naka-confine si Romualdez sa usa ka pribadong ospital sa San Juan City human siya madakpan kaniadtong Septiyembre 7, 2026 pinaagi sa warrant nga gi-isyu sa Sandiganbayan.
Nalambigit ang iyang pagka sikop sa ₱7.4-bilyong plunder case kabahin sa flood control projects.
Samtang, nangandam na ang PNP General Hospital kung aprobahan sa korte ang pagbalhin kang Romualdez alang sa hospital detention.
Padayon usab siyang ginatambalan tungod sa pipila ka gi-report nga kondisyon sa iyang kasingkasing ug uban pang mga balatian, samtang gipaabot ang desisyon kabahin sa iyang detention.
