Gipahayag ni House prosecutor ug Bicol Saro Party-list Rep. Terry Ridon nga mahimong maabot sa Supreme Court ang isyu kung pila gyud ka boto sa Senado ang gikinahanglan aron makonbikto si Vice President Sara Duterte sa impeachment trial.
Matod pa ni Ridon, mahimong idangop sa prosecution o defense ang maong pangutana sa high court bisan unsa pa ang mahimong ruling sa Senate Impeachment Court.
Ubos sa Konstitusyon, kinahanglan ang concurrence sa two-thirds sa tanang senador aron makonbikto ang usa ka impeached official, samtang gibarugan sa impeachment court nga 16 ka boto ang gikinahanglan.
Dugang pa, gipaabot usab nga desisyunan sa Senado karong semanaha kung ibalhin sa hapon ang impeachment proceedings aron makapadayon ang regular legislative session sa buntag.
Lakip sa sunod nga ebidensya sa prosecution ang testimonya gikan sa Philippine Statistics Authority bahin sa mga ngalan sa acknowledgment receipts sa confidential funds.
Sa pagkakaron, gipaabot nga ipadayon ang trial karong Lunes samtang target sa Senado nga mahuman kini sa Disyembre. | VIA BOMBO EROS PAJOTA
