DAVAO CITY- Gihatagan og gimbug-aton sa Kingdom of Jesus Christ (KOJC) ang kamahinungdanon sa pagpa-drug-test ni Pangulong Ferdinand “Bongbong” Marcos Jr. aron sa pagsuta sa tinuod niiining kahimtang hilabi pa sa kapasidad niini nga mangulo sa nasud.
Kini human sa mikatag nga video nga una nang gilimod sa mga otoridad nga si PBBM samtang nagagamit kini og droga.
Sumala pa ni Atty. Dinah Tolentino-Fuentes, Legal Counsel sa KOJC nga ang pagpakahilom sa pangulo atol sa maong isyu ang makonsiderang betrayal of public trust nga sukwahi usab sa balaod sa gobyerno.
Matud pa nga ang nag-unang katungdanan sa gobyerno mao ang pagserbisyo ug pagprotekta sa katawhang pilipino rason nga mahinungdanon nga makabalo ang katawhan sa kamatuoran.
Nahimong pananglitan sa KOJC ang mga kapulisan ug kasundalohan nga gina-agi gayud sa drug-test ayha pamaan sa pagserbisyo sa nasud.
Daghan matud pa og problema nga gina-atubang ang nasud rason nga lisod matud pa panumbalingon na lamang ang posibilidad nga nagagamit gayud kini og illegal nga droga hilabi pa nga walay panaghiusa sa istorya ug buhat ang pangulo.
