Gisuportahan sa Philippine National Police (PNP) ang sugyot nga dugangan ang quota alang sa mga kababayen-an nga gustong mahimong pulis. Matud pa ni PNP Chief Gen. Jose Melencio Nartatez Jr., abri sila sa pagdugang sa ihap sa mga babayeng pulis.
Gisugyot nga himuong 20 porsyento ang quota gikan sa kasamtangang 10 porsyento.
Ang maong sugyot miabot human adunay mga gisang-at nga balaodnon sa Kongreso nga nag-awhag og mas dako nga partisipasyon sa kababayen-an sa law enforcement.
Sa pagkakaron, naglangkob ang PNP og 43,847 ka uniformed personnel, 8,098 ka non-uniformed staff, ug 278 ka mga kadete.
Padayon usab ang pagdaghan sa mga babayeng pulis nga nagdala og dagkong responsibilidad sa PNP gikan sa field operations hangtod sa mga senior positions.
