DAVAO CITY – Human ang pipila ka adlaw nga temporaryong gipahunong ang ilang operasyon gumikan sa pagtakod-takod sa ilang mga staff, balik na karon sa ilang operasyon ang swabbing area sa Sta. Ana ning dakbayan.
Tungod niini, ubay-ubay na sab ang mamahimong maakomodar sa mga gikinahanglan nga ipailalom sa swab test ug malikayan ang pagdasok niini sa crocodile park ning siyudad.
Kahinumduman nga kadtong anaa sa F1 kinahanglan nga moadto sa swabbing center sa Sta. Ana samtang ang mga anaa sa F2 ug F3 ang sa Magsaysay Park ug ang community surveillance moadto lamang sa Crocodile Park ning siyudad.
Una ng nangayo ug despensa si Dr. Ashley Lopez, acting head sa City Health Office (CHO) ngadto sa publiko gumikan sa pagdasok niini sa Crocodile park sa milabay nga semana.
Kinahanglan sab sumala pa nila nga ipatuman ang quarantine sa mga empleyado sa swabbing center nga nagpositibo sa covid-19 ilabi na nga mga frontliner ang mga nahisgutan ug daghanan nga mga indibidwal ang ilang nakahimamat.
