DAVAO CITY – Gibutyag ni Lorraine Mata RN head nurse sa SPMC-HACT( HIV / AIDS Core Team), nga nakatala ang Southern Philippines Medical Center (SPMC) ug 20 ka mga indibidwal nga positibo sa HIV/Aids ang nangatakdan sab ug Covid-19.
Sumala sa nahisgutan nahisgutan nga sukad nga natala ang Covid-19 pandemic sa dakbayan sa milabay nga tuig, adunay mga pasyente sa nga nagpa-konsulta kanila ug mipailalom sa HIV screening ig nasubay nga natakdan sab ang mga nahisgutan ug COVID.
Gitino sa nahisgutan nga wala pay labot sa nahisgutan nga ihap ang mga HIV patient nga namatay human nga nagpositibo sa Covid-19.
Nakatala na matud pa ang Davao region ug kinatibuk-ang 4,513 HIV positive sukad 1993 hangtud Disyembre 2020.
Gikanayon sab ni Dr. Jordana P. Ramiterre head sa Reproductive Health and Wellness Center (RHWC ) ilalom sa City Health Office (CHO) nga nga nakatala sila karon ug pag-ubos sa ihap sa mga tawo nga nagpa-test sa ilang buhatan sukad nga nagsugod ang COVID 19 pandemic.
