Gideklarang kampyeon sa 2026 FIFA World Cup ang Spain human mapildi ang Argentina sa iskor nga 1-0 sa final nga gipahigayon sa East Rutherford, New Jersey karung adlawa Hulyo 20, 2026.
Naka-goal si Ferran Torres sa extra time sa maong duwa aron mahatag ang bugtong goal nga nagselyo sa kadaugan sa La Roja ug sa ilang ikaduhang titulo sa kasaysayan sa torneo.
Wala mapugngi sa Argentina ang kusog nga opensa sa Spain, ilabina human mapulaan og kard si Enzo Fernández sa stoppage time sa ikaduhang bahin sa duwa.
Ang pagkawala sa usa ka magdudula sa Argentina nakahatag og dakong bentaha sa Spain hangtod nakapuntos kini sa extra time.
Gawas sa kampoyonato, nakadaog usab ang Spain og daghang indibidwal nga mga pasidungog.
Nadawatan ni Unai Simón ang Golden Glove human makarekord og pito ka shutouts, samtang si Rodri Hernández gihatagan og Golden Ball isip labing maayong magdudula sa torneo, ug si Pau Cubarsí giila nga Best Young Player.
Ikaduha na kini nga higayon nga nakadaog ang Spain sa FIFA World Cup, sunod sa ilang unang titulo kaniadtong tuig 2010.
Sa maong kadaugan, nahimong unang nasod ang Spain nga naghupot sa men’s ug women’s FIFA World Cup titles sa samang higayon.
Samtang, napakyas ang Argentina sa pagdepensa sa titulo nga ilang nakuha kaniadtong 2022 ug wala matuman ang ilang tinguha nga mahimong ikatulong koponan sa kasaysayan nga makapadayon isip back-to-back world champion.
