DAVAO CITY – Gibutyag sa Police Regional Office 11 nga nagpakitabang na ang Senate security office ngadto sa PNP headquarters sa Camp Crame alang sa mamahimong assistance sa pagpasikop sa KOJC leader nga si Apollo Quiboloy.
Gikanayon ni Davao City Police Office spokesperson Police Captain Hazel Tuazon nga wala pay nadawat nga arrest order gikan sa Senado aron sikupon ang televangelist nga nag-atubang og daghanang kaso gumikan sa wala pagtamud niini sa mga tawag alang sa senate hearings nga dunay kalabutan sa kasong alleged human trafficking ug sexual abuse.
Hinuon, gimanduan ang Police Regional Office 11 sa pag-assist sa OSSA alang sa pagpatuman sa contempt warrant.
Una nang gibutyag sa Davao Police nga wala gihapon nasayran kon asa karon nagtago-tago ang religious leader, ingon man ang pag-abot sa Senate sergeant-at-arms gikan sa kaulohan alang sa katumanan sa arrest order.
Gipasalig sab niini nga walay pagdapig ang mamahimong pagpasikop kang Quiboloy nga nahatagan og arrest order duha ka simana na ang minglabay human sa pagpamando ni Senator Risa Hontiveros ug pag-apruba ni Senate President Juan Miguel Zubiri.
via || Bombo LJF
