Gipasiugda sa House prosecution panel nga dili angay malangan o maapektuhan sa bisan unsang kalihukan sa liderato sa Senado ang nagpadayon nga proseso sa impeachment trial batok kang Vice President Sara Duterte. Sumala pa kang Lanao del Sur Rep. Zia Alonto Adiong, tigpamaba sa panel, gipaningkamotan nila nga mapresenta ang tanang ebidensya ug mga testigo sa Senate impeachment court nga kompleto ug walay pagka-delay, aron mapadayon ang hustisya.
Dugang pa ni Adiong, lakip sa katungod sa publiko nga makabalo sa tibuok ebidensya, samtang ang bise presidente usab adunay katungod nga dili maapektuhan ang hustong proseso sa pagdungog sa kaso. Sa pagkakaron, gipadayag sa House prosecution panel nga ang impeachment usa ka klarong ebidensya nga walay opisyal, bisan pa ug taas ang posisyon, ang makalikay sa responsibilidad ubos sa Konstitusyon.
Lakip sa gitutokan karon ang mga balita nga nagkaylap nga adunay pagduso sa minority bloc sa Senado aron ipahimutang si Sen. Sherwin Gatchalian nga mopuli kang Senate President Alan Peter Cayetano, nga bag-o pa lang milingkod niadtong Mayo 11.
Sumala pa ni Adiong, internal dynamics na kini sa Senado ug ang Kamara nagrespeto sa ilang lain-laing nga institusyon.Sa kasamtangan, gilauman nga mosumite si VP Sara Duterte sa iyang tubag sa Articles of Impeachment sa June 1, 2026, samtang ang Senado nag-iskedyul usab sa pagsugod sa pre-trial proceedings sa July 6, 2026.
