Mapasigarbuhong misalmot ang DCPO ubos sa pagpangulo ni PCOL Peter Bauzon Madria, City Director sa Davao City Police Office (DCPO) sa tibuok nasud sa pagsaulog sa National Flag Day karong adlawa (Mayo 28, 2026).
Kining mahinungdanong pagsaulog usa ka pahinumdom sa matag Dabawenyo ug Pilipino sa ilawom nga kahulugan sa atong bandilang Pilipino nga simbolo sa kagawasan, panaghiusa, kaisog, ug patriotismo.
Gipasidunggan niini ang mga sakripisyo ug kabayanihan sa atong mga katigulangan nga nakigbisog alang sa kagawasan sa nasud ug nagdasig sa matag lungsoranon nga ipadayon ang gugma sa nasud ug pag-alagad sa katawhan.
Isip mga public servant, nagpabiling lig-on ang mga kalalakin-an ug kababayen-an sa DCPO sa pagpalambo sa kalinaw, kahapsay, ug kaluwasan sa komunidad samtang gipalig-on ang panaghiusa ug kooperasyon sa mga Dabawenyo alang sa progresibo ug malinawon nga siyudad.
Pinaagi niini nga selebrasyon, gipamatud-an pag-usab sa DCPO ang ilang pasalig sa tinuoray nga serbisyo publiko nga gibase sa integridad, disiplina, ug kaluoy subay sa panglantaw sa Bagong PNP para sa Bagong Pilipinas.
