DAVAO CITY – Nagpakita na sa ilang kaandam ang mga security forces sa ilang ipatuman nga seguridad sa gikatakdang pag-abli sa Pasko Fiesta karong adlaw nga biyernes, Nobyembre 22.
Gikanayong daghanang security forces ang ipakatag sa month-long Pasko Fiesta 2019 kini aron masiguro ang kaluwasan sa publiko.
Sumala pa kang Angel Sumagaysay, head sa Public Safety and Security Command Center (PSSCC), andam na ang kapulisan ingon man ang augmentation nga gikan sa Police Regional Office 11.
Laoman sumala pa nga tambongan sa gatusan ka mga tawo ang opening sa usa sa pinakadakong highlights sa kasaulogan sa pasko sa dakbayan.
Samtang gibutyag sab ni Davao City Police Office (DCPO) Director Police Colonel Kirby John Kraft, ipakatag ang mga personahe sa San Pedro Police Station ug Sta. Ana Police Station aron nga motabang sa pagpatuman ug seguridad sa San Pedro Square nga usa sa gideklarang Maximum Security Zone sa dakbayan.
Gipasabot ni Kraft nga temporaryong ipakatag ang mga personahe sa San Pedro Police ug Sta. Ana Police Stations sa lugar aron masigurong pabilin ang kahusay ug kalinaw sa tibuok selebrasyon.
