Nagpadayag sumala pa og interes ang pipila ka mga negosyante aron nga mohatag kini og kasulbaran sa problema sa kuryente sa probinsya sa Davao Oriental.
Gikanayon ni Governor Nelson Dayanghirang nga padayon ang paningkamot sa probinsyal nga panggamhanan aron mulambo ang serbisyo sa kuryente sa probinsya.
Nahisgutan niini nga ang anak sa tag- iya sa Aboitiz mibisita na sa dakbayan sa Mati, ug bisan si Manny Pangilinan nagpakita usab og interes aron masolusyonan ang problema sa kuryente sa Davao Oriental.
Dugang pa sa gobernador nga ang negosyanteng si Michael Cheng, ang labing dakong supplier sa solar power plant nakaistorya na usab sa gobernador gani sunod semana posible matud pa nga naay mga ginsakpan ni Cheng ang mobisita sa probinsya aron susihon ang Aragon Dam nga mamahimong tinubdan sa kuryente kon hydro power plant.
