Miabot na sa tulo ka tao ang namatay human sa gidudahang outbreak sa kuno Hantavirus saky sa usa ka cruise ship sa Atlantic Ocean, sumal sa World Health Organization (WHO).
Gikumpirma sa WHO nga usa ka kaso pa lamang ang kumpirmado nga namatay samtang lima pa ang giimbestigahan.
Nasayran sab nga usa ka 69-anyos nga British National ang kasamtangang anaa sa intensive care unit sa Johannesburg, South Africa.
Ang hantavirus kasagaran mapasa sa tao gikan sa mga ilaga pinaagi sa iling ihi o tae niini, ug mamahimong makahatag og grabe nga lisod sa pagginhawa. Sa talagsaon nga higayon, mamahimo sab kini nga mapa pinaagi sa tao sa tao.
Sumala sab sa taho nga ang outbreak sakay sa MV Hondius, nga ginadumalaan sa Oceanwide Expeditions. Ang barko naga biyahe gikan Argentina padulong Cape Verde.
Sumala sa mga awtoridad sa South Africa, ang una nga pasyente na nagpakita og sintomas kay usa ka 70-anyos nga lalaki nga namatay samtang anaa kini sa barko. Ang patayng lawas kasamtangang anaa sa Saint Helena.
Nagkasakit sab ang iyang asawa nga 69-anyos ug dayon kini nga gipabakwit sa South Africa, kon asa namatay sab sa usa ka ospital sa Johannesburg. Sumala sa taho, ang mag-asawa nailhan nga mga Dutch National.
Gikataho sab nga ang ikatulo nga namatay anaa pa gihapon sa barkom samtang ginahisgutan kung ibutang ba kini sa isolation ang duha ka pasyente sa mga ospital sa Cape Verde.
Sumala sa WHO, mitabang kini sa pakig koordinasyon pinaagi sa mga nasud nga may kalabutan ingon man operator sa barko para sa medical evacuation sa mga pasyente, gani nagpahigayon sab og publiv health risk assessment ug paghatag suporta sa mga sakay sa barko.
