Gimandoan na sa Sandiganbayan ang pagbalhin kang kanhing House Speaker ug Leyte 1st District Representative Martin Romualdez gikan sa private hospital ngadto sa Quezon City jail, apan dili pa kini dayon ipatuman tungod sa pending niyang motion alang sa hospital detention.
Sa commitment order, gibutang sa anti-graft court si Romualdez ubos sa custody sa Bureau of Jail Management and Penology imbes sa Criminal Investigation and Detection Group.
Apan kinahanglan una nga resolbahon sa korte ang iyang hangyo nga magpadayon sa confinement sa Cardinal Santos Medical Center sa San Juan City sa dili pa siya ibalhin sa New Quezon City Jail sa Barangay Payatas.
Pormal nga gikuha sa BJMP ang custody kang Romualdez alas 4:15 sa hapon kagahapong adlawa Septyembre 10, 2026. Gipasalig sa ahensya nga parehas ra ang treatment ug privileges nga iyang madawat sama sa ubang persons deprived of liberty ug walay VIP treatment.
Padayon karong Septiyembre 11 ang hearing sa iyang motion alang sa hospital detention, samtang gitakda sa Septiyembre 14, 2026 ang arraignment ug pretrial.
Si Romualdez gi-detain human maaresto sa kasong plunder may kalabotan sa giingong ₱7.44 bilyong kickbacks gikan sa government projects tali sa 2022 ug 2025.
