Nag-atubang karon og kasong administratibo ang retiradong hepe sa Philippine National Police (PNP) Health Service nga si B/Gen. Jezebel Imelda Medina, gumikan sa giingong wala pagsunod sa direktiba sa National Police Commission (NAPOLCOM) ug pagsul-ob sa mahalon nga sapatos.
Giangkon sa National Police Commission (Napolcom) nga nakadawat sila og daghang complaints gikan sa police officers kabahin sa corruption atol sa iyahang termino isip kanhing Philippine National Police Health Service (PNP HS) director ng miretiro niadtong Disyembre.
Dugang pa sa NAPOLCOM nga duha ka adlaw ayha ang iyahang retirement kaniadtong Dec. 25, gipasakahan na ang opisyal og kasong administratibo kabahin sa “conduct unbecoming of a police officer”.
Kini tungod sa pagsuot og pares sa branded nga sapatos nga nagkantidad og kapin sa P70,000 nga tugbang sa iyahang sweldo samtang nakasuot og police uniform.
Samtang sumala usab sa NAPOLCOM, wala motuman si Medina sa hangyo nga mosumite og psychiatric ug psychological report sa usa ka QCPD patrolman ug vlogger nga nag-post og mga seditious nga komento online, sa dihang si Medina pa ang nagdumala isip Health Service director sa nakalabay nga tuig.
