Gipangayo ni Davao City 1st District Rep. Paolo “Pulong” Duterte nga ipakita sa Department of Budget and Management o DBM ang records bahin sa congressional district allocation sa Davao City.
Kini human mitubag si Duterte sa pahayag ni Palace Press Officer Claire Castro nga nakadawat ang Davao City og P52.80 billion nga National Tax Allotment o NTA gikan sa national government.
Giklaro sa kongresista nga lahi ang NTA ug congressional district allocation, ug ang iyang gipangutana mao ang pondo nga gitagana alang sa mga proyekto ug programa sa matag congressional district.
Matod ni Duterte, mas maayo nga ang DBM mismo ang magpagawas sa official records aron klaro kung pila ang congressional district allocation sa matag distrito sa Davao City.
Gipasiugda niya nga ang NTA usa ka automatic appropriation alang sa local government units ug dili kini pareho sa congressional district budget.
Sa pagkakaron, wala pa’y tubag ang DBM bahin sa maong pangutana.
Gipaabot pa ang update gikan sa departamento aron maklaro kung adunay congressional district allocation nga gigahin sa Davao City ug pila ang kantidad niini.| VIA BOMBO EROS PAJOTA
