Gipatuman na karung adlawa ang dugang nga presyo sa petrolyo sugod alas 6:00 sa buntag.Sumala pa, misaka og ₱5.18 kada litro ang presyo sa diesel, samtang ₱4.69 kada litro ang dugang sa presyo sa gasolina ug ₱5.58 kada litro sa kerosene.
Matud pa sa Department of Energy o DOE, usa sa mga hinungdan sa maong pagsaka sa presyo ang bag-ong pag-atake sa Estados Unidos batok sa Iran. Dugang pa, gilauman nga ang maong pagtaas sa presyo sa petrolyo mahimong modugang sa gasto sa adlaw-adlaw nga pagbiyahe ug pagpadala sa mga produkto.
Sa kasamtangan, gitan-aw usab ang posibleng epekto sa maong pagsaka sa presyo sa petrolyo sa ubang mga produkto ug serbisyo nga nagsalig sa transportasyon.
Sa pagkakaron, padayon nga gimonitor sa mga hingtungdan ang lihok sa presyo sa krudo sa internasyonal nga merkado ug ang mga panghitabo nga mahimong makaapekto sa lokal nga presyo sa petrolyo.
