DAVAO CITY – Gibutyag ni Capt. Jerry Lamosao, chief Division public affairs office sa 10th Infantry Division (ID) Philippine Army nga padayon sumala pa karon nga mihinay ang puwersa sa rebeldeng New People’s Army (NPA) sa mga areas nga sakop sa ilang area of responsibility (AOR). Tipik lamang kini base na sa ilang mga natalang rebel returnees ingon man mga armas nga narekober.
Nasayran kang Lamosao nga sukad Enero hangtud Hunyo 24, 2020, mikabat sumala pa sa kapin 200 ka mga regular member sa NPA ang mitahan sa military; 50 ka mga miyembro sa Milisya ng bayan; usa Sangay ng partido sa lokalidad; 70 ka mga underground mass organization.
Nakatala sab sumala pa ang militar ug 32 ka mga engkuwentro samtang kapin 60 ka mga tag-as nga armas ang gisurender ug laing 80 ang narekober sa kasundalohan atol sa ilang gilusad nga mga operasyon.
Magpadayon sab sumala pa ang mga programa sa kasundalohan aron nga matabangan ang mga komunidad nga una ng gikotahan sa mga rebelde.
Gipasalig sab ni Lamosao nga andam sab nila nga dawaton ang mga NPA nga mobalik sa sabakan sa kagamhanan aron nga matabangan ang mga nahisgutan nga makasugod pagbalik sa ilang kinabuhi.
