DAVAO CITY – Gi-awhag sa usa ka opisyal sa lokal nga kagamhanan ang publiko nga motamud sa balaod aron nga dili masilotan isip kabahin sa quarantine protocols hatud sa pagkuyanap sa coronavirus disease 2019 (Covid-19).
Una ng gibutyag ni City Legal Officer Osmundo Villanueva nga kung mosupak sa kamandoan sa kagamhanan, mamahimong mag-atubang ug kasong kriminal ilabi na nga gipailalom karon ang nasod sa national health emergency.
Kalakip sab sa mamahimong mag-atubang ug reklamo kadtong dili mopahibalo nga sila infected sa balatian o magsuroy-suroy bisan nga kumpirmadong nagpositibo sa virus.
Una ng gibutyag sa Department of Health regional office nga usa sa dakong hagit nga ilang gi-atubang mao ang contact-tracing sa mga nakahimamat sa mga nagpositibo ug ang pagbawog sa pagsaka sa kaso sa covid-19.
Kini sumala pa ang hinungdan nga gi-tap karon sa ahensiya ang law enforcement units ingon man ang tibuok intelligence community sa pagsubay sa mga infected nga indibidwal.
