DAVAO CITY – Gitutokan karon sa vaccination cluster sa lokal na kagamhanan ang public information drive ingon man ang education campaign alang sa Covid-19 immunization program sa dakbayan sa dabaw.
Kini samtang nagapa-abot pa sa Covid-19 vaccine ang gobyerno diin ang tumong sa pagpakusog niini ang awhagon ang mga katawhan nga magbakuna sanglit daghan sumala pa ang dili gusto mupailalom niini ingon man daghan sab ang mga naga duha-duha.
Gibutyag ni DOH Covid-19 task force focal person ug City Health Office in charge Dr. Ashley Lopez anaa na sa 80 percent ang ilang naadandam nga masterlist sa unang bakunahan batok Covid-19 kung ugaling maabot na kini sa syudad.
Una na sab nga gibutyag sa opisyal nga sa 1.9 milyon populasyon sa syudad, 1.2 milyon ang target nga mabakunahan batok Covid-19.
